Athrú Molta (Uimh. 1) ar Phlean Forbartha Chontae Dhún na nGall 2024-2030

Comhairliúchán Poiblí Réamh-Dhréachtach

Tá Comhairle Contae Dhún na nGall i ndiaidh tús a chur le hAthrú Molta ar an Phlean Forbartha Contae 2024-2030 a ullmhú.  Seo a leanas cuspóir an athraithe -

1. Pleananna Ceantair nua don Chlochán Liath, Béal Átha Seanaidh, Ceann Droichid, Carn Domhnaigh, Baile Dhún na nGall agus na Cealla Beaga a chur isteach sa Phlean Forbartha Contae. Beidh na Pleananna Ceantair nua in áit ‘Plean Ceantair Áitúil Seacht mBaile Straitéiseacha 2018-2024’ atá ann faoi láthair;
2. Leasú a dhéanamh ar chriosú láthair NR2.16 i gCnoc an Choiligh, Bun Cranncha – ó ‘Chéim Chónaí Nua 2’ go ‘Céim Chónaí Nua 1’; agus
3. Leasú a dhéanamh ar chriosú úsáide talaimh de bhun aighneachtaí úinéirí talaimh a bhaineann le Cáin ar Thalamh Cónaí Criosaithe (RZLT), nuair is cuí, taobh istigh de na lonnaíochtaí ábhartha ar fud Chontae Dhún na nGall.

Is den riachtanas go mbeidh ionchur an phobail sa phlean, agus dá réir sin tá an Chomhairle ag tabhairt faoi Chomhairliúchán Réamh-Dhréachtach idir an 7ú agus an 28ú Feabhra 2025.

Tá Páipéar Saincheisteanna foilsithe ina bhfuil forléargas ar na saincheisteanna is mó sna bailte chun an plé a chothú.  

Is féidir leis an phobal páirt a ghlacadh agus cead cainte a bheith acu ar bhealach acu seo a leanas: 

• Freastal ar cheann de na hImeachtaí Buail Isteach áitiúla poiblí:

• Aighneacht Scríofa a dhéanamh faoi 4:30in Dé hAoine 28 Feabhra 2025 ar bhealach acu seo:
  • Ríomhphost: planningcpu@donegalcoco.ie
  • Post: Lár-Aonad Pleanála, Comhairle Contae Dhún na nGall, Teach an Chontae, Leifear, Co. Dhún na nGall, F93 Y622.
  • Ar líne: Tairseach comhairliúcháin na Comhairle ag consult.donegal.ie

Cuir Proposed Variation (No. 1) to the CDP 2024-2030 mar ábhar sa ríomhphost /mar theideal ar an litir agus ná cuir isteach aighneacht ach ar aon dóigh amháin (i.e. ríomhphost, post nó ar líne).  

Is féidir aighneachtaí a fholú chun críche an phríobháideachais agus a fhoilsiú ar consult.donegal.ie faoi 10 lá oibre ó cuireadh isteach iad (seachas faoi dhálaí eisceachtúla).